Ўзбекистон бўйича 5 май, пайшанба куни фақат Қорақалпоғистон Республикаси ва Хоразм вилоятида ёғингарчилик кутилади. Бу ҳақда «Ўзгидромет» маркази хабар бермоқда.
Хабар беришларича, 5 майга ўтар кечаси Ўзбекистоннинг тоғли ҳудудларида ҳаво ҳарорати +5...+10 даража илиқ бўлади, Қашқадарё ва Сурхондарё вилоятларида эса +20 даражагача кўтарилиши мумкин, қолган ҳудудларда +12...+17 даража илиқ оралиғида бўлиши кутилмоқда.
5 май куни кундузи Ўзбекистоннинг тоғли ҳудудларида +15...+20 даража, Қорақалпоғистон Республикаси ва Хоразм вилоятида +22...+27 даража, Тошкент шаҳрида +26...+28 даража илиқ бўлиши кутилмоқда. Қолган ҳудудларда ҳаво ҳарорати +30 даражага етиши, Бухоро, Навоий, Қашқадарё ва Сурхондарё вилоятларида +35 даражагача кўтарилиши мумкин.
Пайшанба куни фақат Қорақалпоғистон Республикаси ва Хоразм вилоятининг айрим ҳудудларида ёмғир ёғиши, момақалдироқ бўлиши кутилмоқда. Мамлакатнинг қолган ҳудудларида ёғингарчилик кутилмайди.
Изоҳ (0)