Бугун,

  • USD 11014.01
  • RUB 191.8
  • EUR 10674.78

АҚШ 29 апрель, жума куни Россиянинг Су-27 самолёти Болтиқ денгизи устида Америка ҳарбий-ҳаво кучларига қарашли RC-135 самолёти ёнидан учиб ўтганини икки мамлакат ўртасида муносабатлар таранглашишига туртки беради, деб ҳисоблайди. Бу ҳақда АҚШ мудофаа вазирлиги матбуот хизмати вакили Билл Урбан маълум қилди, дея хабар беради «Интерфакс».

Фото: Baltnews

Фото: Baltnews

«Мазкур хавфли ва уқувсиз амалиёт ҳаво кемасига жиддий зарар етказиши, экипаж аъзолари шикастланишига олиб келиши мумкин эди. Энг муҳими, бу мамлакатларимиз ўртасида тарангликка сабаб бўлиши мумкин. Бу ҳодиса Россия самолётининг ‘Дональд Кук’ кемасига хавфли яқинлашувидан ҳеч қанча ўтмай содир бўлди», — деб таъкидлади Урбан.

Пентагон вакили охирги йил давомида Россия ҳарбий самолётлари ҳаво ва сувликда бир неча бор хавфли яқинлашувларни амалга оширганидан чуқур хавотир билдирди.

Изоҳ
Асосий янгиликлар