Халқаро ҳамкорлик бўйича Корея агентлиги (KOICA) «Ўзбекистон ҳаво йўллари» Миллий авиакомпанияси билан Тошкент шаҳридаги аэропортнинг янги халқаро йўловчи терминали (Тошкент-4) қурилиши учун техник-иқтисодий асос ишлаб чиқиш бўйича лойиҳа доирасида оралиқ семинар ўтказди, дея хабар бермоқда UzDaily.
Ушбу лойиҳа Ўзбекистон ва Корея Республикаси президентлари ўртасида 2015 йил майида имзоланган беғараз ёрдам лойиҳалари рўйхатига киритилган. Лойиҳани амалга ошириш 2016 йил январида бошланган бўлиб, шу йилнинг июлида якунланиши кутилмоқда.
Таклифга кўра, Тошкент-4 терминалининг қурилиши тўрт йил давомида амалга оширилади. Янги терминал майдони ҳозиргиси (Тошкент-2)га нисбатан икки марта каттароқ бўлади, йўловчиларга хизмат кўрсатиладиган бино ҳажми эса ҳозиргисини уч баравар ортда қолдиради.
Изоҳ (0)