Тошкентда бўлиб ўтадиган экспорт бўйича амалий бизнес-анжуман давомида Дмитрий Дичковский, Игорь Качалов ҳамда Максимилян Фоедингер каби халқаро миқёсдаги тажрибали маърузачилар муваффақиятли экспорт стратегияларини қуришга оид билимлари билан ўртоқлашадилар.
Мамлакат экспорт салоҳиятини оширишга қаратилган бизнес-анжуманнинг мавзуси — «Товарлар ва хизматлар экспорти – ҳаракатланиш вақти келди!» деб номланади. Тадбир доирасида ушбу экспертлар шахсий тажрибаларига таянган ҳолда амалий мисоллар ёрдамида тўғри экспорт стратегиясини қуриш ва унга риоя қилиш ҳақида сўзлаб берадилар.
Ўзбекистонда текстил соҳасида фаолият юритувчи компаниялар сони кўплиги боис, дастлабки маърузачининг мавзуси алоҳида эътиборга моликдир. Машҳур «Милавица» компанияси директори сифатида 11 йил давомида фаолият юритган Дмитрий Дичковский компаниянинг хусусийлаштириш давридан тортиб, то етакчи халқаро брендлардан бирига айлангунча босиб ўтган мушкул йўли ҳақида сўзлаб беради. У бизнес-моделни қуриш, компания қийин даврларни бошидан кечираётган пайтда ишлаб чиқариш базасини ҳамда малакали мутахассисларни сақлаб қолиш, маҳсулот хилма-хиллигини ва хусусий улгуржи савдо тармоғини ривожлантириш, жамоа тасаввурида шахсий мол-мулкка эгалик ҳиссини ўстириш каби муҳим омил ва тажрибалари билан ўртоқлашади.
- экспорт бозори сиғимини аниқлаш ва унга баҳо бериш ҳамда бренднинг эскпорт сотувлари салоҳияти;
- бугунги истеъмолчилик йўналишлари – сотиб олувчи шахсиятининг ўзгариб бориши, эртанги сотиб олувчи ким;
- сотиб олувчига қандай бренд номлари керак, қайси номлар камчиликларсиз сотувлар тезлигини оширади;
- сотувларни шакллантиришда бренд дизайни роли ва ўрни: ишлатиладиган ранглар, шакллар, логотиплар ва савдо белгилари дизайнида нечта элемент бўлиши керак;
- муваффақиятли бренд ечимлари.
Учинчи маърузачи Максимилян Фоедингер, австриялик иқтисодчи, тренер ва анжуман-маърузачисининг мавзуси ташқи бозорларга чиқиш ҳақидадир. Ўз презентациясида Фоедингер Ўзбекистон ишбилармонлари фаолият доирасига яқин ва мос келувчи халқаро бозорлар борасида маълумот беради. Шунингек, у қайси маҳсулот учун қайси бозор тўғри келиши йўналишида ўтказилган сўнгги тадқиқотлар натижалари, турли бизнес соҳалари учун экспорт стратегияларини ишлаб чиқиш йўллари ҳақида сўзлаб беради.
Бизнес-анжуман доирасида таклиф қилинган экспертлар иштирокида панелли дискуссия ўтказилади. Унда халқаро тажрибани мамлакатимиз ҳудудида қўллаш имкониятлари кенг муҳокама қилиниши кутилмоқда.
Ушбу тадбир маҳсулот экспорти билан шуғулланувчи компаниялар менежерлари ва мутахассислари, шунингдек, маҳсулотни ташқи бозорларда тўғри сота билиш йўл-йўриқларини ўрганишни истаганлар учун мўлжаллаган.
Бизнес-анжуман жорий йилнинг 18 май куни Wyndham Tashkent меҳмонхонасида бўлиб ўтади. Дастур доирасида қатнашчиларнинг ўзаро мулоқоти учун вақтлар ажратилган. Барча иштирокчиларга бизнес-анжуман қатнашчиси расмий сертификати топширилади. Чипталарни харид қилишга оид ҳамда бошқа қўшимча маълумотларни тадбирнинг расмий сайти орқали билиб олишингиз мумкин: www.change.uz.Телефонлар: (+99890) 994-12-11, (+99890) 995-12-11.
«Дарё» ушбу тадбирнинг ахборот ҳамкори ҳисобланади
Изоҳ (0)