23 апрель куни Япониянинг Токио шаҳрида чет эл элчихоналари ходимлари ва чет элликлар ўртасида 19-маротаба бўлиб ўтган «Япон тилида нотиқлик санъати» танловида ўзбекистонлик Фахриддин Эргашев ҳам иштирок этди.
Унинг ўзи «Дарё» нашрига маълум қилишича, танловда у биринчи ўринни ва Япония ташқи ишлар вазирлиги махсус совринини ютиб олди.
«Нотиқлик санъати бўйича ушбу танлов Японияда чет элликлар орасида энг машҳур танлов ҳисобланади, — дея таъкидлади Фахриддин. — Унда 20 га яқин турли давлат элчихоналари вакиллари ва чет элликлар иштирок этди».
Фахриддин ҳозирда Токио чет тиллар университетининг магистратурасида таҳсил олмоқда.