27 апрелнинг эътиборга молик хабарлари — «Дарё»нинг кечки дайжестида.
1. Ўзбекистонда пенсия тайинлаш учун талаб этиладиган минимал стаж оширилди. Етарлича иш стажига эга бўлмаган шахсларга ёшга доир пенсия мавжуд стажга мутаносиб равишда тайинланади.
2. Ўзбекистонда паспорт тизими қоидаларини бузганлик учун жарималар оширилди. Фуқаролардан паспортларини қонунга хилоф равишда олиб қўйиш энг кам иш ҳақининг ўн бараваридан ўн беш бараваригача миқдорда жарима солишга сабаб бўлади.
3. Олимпиадага 100 кун қолди: Ўзбекистон Марказий Осиё давлатлари орасида қўлга киритилган йўлланмалар сони бўйича ҳозирча 2-ўринда бормоқда. Қўлга киритилган 46 та Олимпиада йўлланмалари бўйича 49 нафар ўзбекистонлик спортчи Рио—2016 Олимпиадасида иштирок этади.
4. Венесуэлада давлат ишчилари ҳафтасига 2 кун ишлайди. Ушбу чора мамлакатда давом этаётган энергетик танқисликни енгиш учун қабул қилинди.
5. Кун фотоси: Дарвозаси бузилган Олой бозори. Бозорнинг таъмири 2016 йилнинг кузида якунига етиши кутилмоқда.
Изоҳ (0)