Бухоро вилояти кўп тармоқли тиббиёт марказида Корея Республикасининг Vision Care халқаро ташкилоти офтальмолог-шифокорлари аҳолини тиббий текширувдан ўтказмоқда. Бу ҳақда ЎзА хабар берди.
Ўтган йили ҳам мазкур шифохонада Жанубий кореялик шифокорлар Бухоро ва Навоий вилоятлари аҳолисини тиббий кўрикдан ўтказган, 93 нафар бемордаги катаракта бартараф қилиниб, кўз гавҳари сунъийсига алмаштирилганди. Бу йилги акцияда ҳам аҳоли Жанубий кореялик малакали шифокорлар кўригидан ўтказилиб, жарроҳлик амалиёти зарур беморлар операция қилинмоқда.
«Вилоят кўп тармоқли тиббиёт марказининг моддий-техник базаси жаҳон андозаларига жавоб беради. Бу ерда мураккаб операцияларни амалга ошириш учун барча шароит мавжуд», – дейди делегация аъзоси Ли Сен Же.
Изоҳ (0)