Ўзбекистонда паспорт тизими қоидаларини бузганлик учун жарималар оширилди. Маъмурий жавобгарлик тўғрисидаги кодекснинг 223-моддасига Президент томонидан 25 апрель куни имзоланган қонун орқали тузатишлар киритилди, деб ёзади «Газета.uz».
Энди паспортсиз ёки ҳақиқий бўлмаган паспорти бўлган, худди шунингдек вақтинча ёки доимий пропискасиз ёхуд турган жойи бўйича ҳисобда турмасдан яшаб турган фуқаролар, бундан ташқари, паспортни атайлаб ишдан чиқарган, унга совуққонлик билан муносабатда бўлган фуқаролар энг кам иш ҳақининг уч баравари миқдоридаги жаримага тортилади (аввал — энг кам иш ҳақининг бир бараваридан уч бараваригача эди). Ушбу қонунбузарлик йил давомида маъмурий чора қўлланилганидан сўнг қайта такрорланса, энг кам иш ҳақининг беш бараваридаги жарима солинади.
Фуқароларнинг йўқолганлиги тўғрисида ўзлари ариза берган ўз паспортларидан, шунингдек бошқа фуқароларга тегишли бўлган паспортлардан ғаразли мақсадларда фойдаланиши — энг кам иш ҳақининг ўн баравари миқдорида жарима солишга сабаб бўлади.
Паспортсиз ёки ҳақиқий бўлмаган паспорт билан фуқароларни, худди шунингдек вақтинча ёки доимий пропискасиз ёхуд турган жойи бўйича ҳисобда турмасдан яшаб турган фуқароларни ишга қабул қилиш мансабдор шахсларга энг кам иш ҳақининг ўн бараваридан ўн беш бараваригача миқдорда жарима солишга сабаб бўлади.
Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, мансабдор шахсларга энг кам иш ҳақининг йигирма баравари миқдорида жарима солишга сабаб бўлади.
Фуқаролардан паспортларини қонунга хилоф равишда олиб қўйиш ёки паспортларни гаровга олиш мансабдор шахсларга энг кам иш ҳақининг ўн бараваридан ўн беш бараваригача миқдорда жарима солишга сабаб бўлади
Изоҳ (0)