20 апрель, чоршанба куни бўлиб ўтган савдолар чоғида Японияниг Mitsubishi Motors автомобиль компанияси акциялари 2004 йилнинг июлидан бери рекорд даража — 15 фоизга тушиб кетди. Бу ҳақда «Ведомости» хабар бермоқда.
Қимматли қоғозлар қийматининг бунчалик кескин пасайишига компания кам литражли машиналар ёқилғи сарфини синовдан ўтказиш натижалари ҳисоб-китобида хатога йўл қўйгани ҳақидаги хабар сабаб бўлган. Япония транспорт вазирлиги вакили Йосифуми Нагаи шундай баёнот берган. Mitsubishi Motors президенти Тестуро Аикава мазкур ҳолат юзасидан матбуот анжумани ташкил этиши кутилмоқда.
Маълумот учун, олдинроқ Hyundai Motor, Kia Motors ва Ford Motor ҳам автомобиль ёқилғи сарфи бўйича нотўғри маълумотлар билан боғлиқ можаролар иштирокчисига айланганди. АҚШ Hyundai ва Kia компанияларини жарима тўлашга мажбур этган, Ford эса 2013—2014 йилларда чиқарилган бир қатор гибрид моделлари ёқилғи сарфи рейтингини пасайтирган.
Изоҳ (0)