Сурияда 13 апрель куни бўлиб ўтган парламент сайловларида таркибига ҳукмрон «Баас» партияси кирувчи «Миллий бирлик» коалицияси ғолиб бўлди, дея хабар бермоқда Meduza.
«Баас» ва унинг иттифоқдош партиялари парламентда 250 ўриндан 200 тасига эга бўлди. Коалициядан 200 номзоднинг барчаси Миллий сайлов комиссияси томонидан эълон қилинган ғолиб депутатлар рўйхатида бўлган.
Сайлов комиссияси раҳбари сўзларига кўра, сайловларда сайловчиларнинг 57,5 фоизи, яъни беш миллиондан зиёд киши қатнашган.
Суриядаги вазиятни тинч йўл билан ҳал қилиш бўйича музокараларни ташкил қилаётган БМТ сайлов натижаларини тан олишдан бош тортди. Мухолифат вакиллари сайловларни «режим ўзини қонунийлаштириш учун восита сифатида фойдаланаётган театр» деб атади.
Изоҳ (0)