Бундеслига, 29-тур. «Боруссия Д» «Шальке» билан ўйинда 2 очко йўқотиб, «Бавария» билан фарқни 7 очкогача ошириб юборди

Футбол бўйича Германия Бундеслигасининг 29-турида чемпионлик учун кураш олиб бораётган Дортмунднинг «Боруссия» клуби 2 очко йўқотди.

«Шальке» майдонига ташриф буюрган Томас Тухель жамоаси икки бор ҳисобда олдинга ўтиб олганига қарамай, якунда ғалабани ушлаб қола олмади. «Боруссия» «Бавария»га қарши 25-турдаги дурангдан кейин, кетма-кет уч учрашувда зафар қучишга муваффақ бўлганди.

«Шальке»га қарши ўйиндаги дурангдан кейин чемпионлик йўлида кураш олиб бораётган икки клуб орасидаги очколар фарқи энди 7 тани ташкил этмоқда. Мавсум якунига 5 та тур қолгани инобатга олинса, «Боруссия Дортмунд» чемпионлик имкониятларини кескин камайтириб юборди.

Бундеслигада Чемпионлар Лигаси йўлланмаси учун кураш анча қизиқарли кўриниш олган. Тўртинчи йўлланма учун кураш олиб бораётган жамоалардан 4 таси — «Боруссия Мюнхенгладбах», «Байер», «Майнц» ҳамда «Шальке» 45 тадан очко тўплаган.

Германия Бундеслигаси 29-тур учрашуви 10 апрель, якшанба

«Шальке» — «Боруссия Дортмунд» 2:2

• Бундеслига, 29-тур. «Бавария»дан ғалаба, «Вердер» эса ўз майдонидаги мағлубият эвазига хавфли зонага тушиб кетди

• Бундеслига, 29-тур. «Реал»ни мағлуб этган «Вольфсбург» «Майнц»га қарши ўйинда 2 очко йўқотди