Bundesliga, 29-tur. “Borussiya D” “Shalke” bilan o‘yinda 2 ochko yo‘qotib, “Bavariya” bilan farqni 7 ochkogacha oshirib yubordi

Futbol bo‘yicha Germaniya Bundesligasining 29-turida chempionlik uchun kurash olib borayotgan Dortmundning “Borussiya” klubi 2 ochko yo‘qotdi.

“Shalke” maydoniga tashrif buyurgan Tomas Tuxel jamoasi ikki bor hisobda oldinga o‘tib olganiga qaramay, yakunda g‘alabani ushlab qola olmadi. “Borussiya” “Bavariya”ga qarshi 25-turdagi durangdan keyin, ketma-ket uch uchrashuvda zafar quchishga muvaffaq bo‘lgandi.

“Shalke”ga qarshi o‘yindagi durangdan keyin chempionlik yo‘lida kurash olib borayotgan ikki klub orasidagi ochkolar farqi endi 7 tani tashkil etmoqda. Mavsum yakuniga 5 ta tur qolgani inobatga olinsa, “Borussiya Dortmund” chempionlik imkoniyatlarini keskin kamaytirib yubordi.

Bundesligada Chempionlar Ligasi yo‘llanmasi uchun kurash ancha qiziqarli ko‘rinish olgan. To‘rtinchi yo‘llanma uchun kurash olib borayotgan jamoalardan 4 tasi — “Borussiya Myunxengladbax”, “Bayer”, “Maynts” hamda “Shalke” 45 tadan ochko to‘plagan.

Germaniya Bundesligasi 29-tur uchrashuvi 10-aprel, yakshanba

“Shalke” — “Borussiya Dortmund” 2:2

• Bundesliga, 29-tur. “Bavariya”dan g‘alaba, “Verder” esa o‘z maydonidagi mag‘lubiyat evaziga xavfli zonaga tushib ketdi

• Bundesliga, 29-tur. “Real”ni mag‘lub etgan “Volfsburg” “Maynts”ga qarshi o‘yinda 2 ochko yo‘qotdi