ОЧЛ, 4-тур. «Бунёдкор» ва «Пахтакор»нинг тақдири ўз қўлидан чиқиб кетди, «Локомотив»да ҳаммаси яхши

Футбол бўйича Осиё Чемпионлар Лигаси гуруҳ босқичида 4-тур беллашувлари ўз якунига етди. Унда иштирок этаётган Ўзбекистоннинг тўрт жамоасидан фақатгина «Локомотив» зафар қучишнинг уддасидан чиқа олди. Қаршининг «Насаф» клуби дуранг қайд этган бўлса, «Пахтакор» ва «Бунёдкор» Эрон клубларидан мағлубият қабул қилиб олди.

4-турдан кейин «Локомотив» гуруҳ босқичини муваффақиятли якунлаш учун жуда яқин турибди. Гуруҳдаги иккинчи ўйинда «Ал-Иттиҳод» ва «Ан-Наср» очко йўқотгач, Тошкент клубининг имкониятлари анча ошди. «Локомотив» кейинги икки турни «А» гуруҳида 2-ўринда бораётган БАА клубига қарши ўтказади.

«А» гуруҳидаги вазият

Ў	Жамоа	Ў	Ғ	Д	М	Т/Н	О
1	“Локомотив”	4	2	2	0	5:2	8
2	“Ан-Наср”	4	2	1	1	4:3	7
3	“Ал-Итиҳод”	4	0	3	1	3:4	3
4	“Сепаҳон”	4	1	0	3	2:5	3

• «Локомотив» Осиё Чемпионлар Лигасида Эрон клубини мағлуб этиб, «А» гуруҳида 1-ўринга кўтарилиб олди

Пойтахтнинг бошқа бир клуби «Бунёдкор» эса йирик мағлубиятдан кейин аҳволини оғирлаштириб юборди. Навбатдаги икки турни Қатарнинг «Лаҳвия» клубига қарши ўтказадиган Сергей Лушчан жамоаси, бир йил муқаддам айнан шу клуб довонидан ўта олмаганди. Ҳозирги вазиятдан келиб чиқса, кетма-кет икки ғалаба ҳам «Бунёдкор»га ёрдам бермаслиги мумкин.

«Б» гуруҳидаги вазият

Ў	Жамоа	Ў	Ғ	Д	М	Т/Н	О
1	“Зоб Оҳан”	4	2	2	0	6:2	8
2	“Лаҳвия”	4	1	2	1	5:2	5
3	“Ан-Наср”	4	1	2	1	5:8	5
4	“Бунёдкор”	4	0	2	2	5:9	2

Тошкентнинг «Пахтакор» клуби навбатдаги икки турни «Ал-Жазира»га қарши ўтказишини инобатга олса, ижобий натижадан умид қилиш мумкин. Аммо вазият кўриниб турганидан бироз мураккаб. Дастлабки икки ўринни эгаллаб турган Эрон ва Саудия Арабистони жамоалари ўзаро ўйинларда 1 тадан ғалабани қўлга кирица, «Пахтакор»га кейинги икки турдаги юз фоизлик натижа ҳам ёрдам бермайди. Клуб мухлислари Эрон ва Саудия Арабистони ўртасидаги зиддиятдан келиб чиқиб, ҳар икки жамоанинг ўзаро келишиб ҳаракат қилмаслигидан умидвор бўлиши мумкин.

• ОЧЛ. «Бунёдкор» Эронда «Зоб Оҳан»га йирик ҳисобда ютқазди ва гуруҳда сўнгги ўринга тушиб кетди

«C» гуруҳидаги вазият

Ў	Жамоа	Ў	Ғ	Д	М	Т/Н	О
1	“Тракторсози”	4	3	0	1	6:1	9
2	“Ал-Ҳилол”	4	2	2	0	8:4	8
3	“Пахтакор”	4	1	1	2	4:7	4
4	“Ал-Жазира”	4	0	1	3	1:7	1

• «Пахтакор» Эронда «Тракторсози»дан енгилиб, гуруҳдан чиқиш имкониятларини камайтириб юборди

Ва ниҳоят, «Д» гуруҳида «Насаф» 3-ўринни эгаллаб турибди. Қарши клубининг аҳволи «Бунёдкор» ҳамда «Пахтакор»никидан яхши. Ҳар ҳолда, навбатдаги босқичга йўл олиш «Насаф»нинг ўз қўлида. Бу йўлда Рўзиқул Бердиев жамоаси «Ал-Айн»га қарши кейинги икки ўйинда ижобий натижа қайд этиши керак бўлади.

 «Д» гуруҳидаги вазият

Ў	Жамоа	Ў	Ғ	Д	М	Т/Н	О
1	“Ал-Жаиш”	4	3	1	0	5:2	10
2	“Ал-Айн”	4	2	0	2	5:5	6
3	“Насаф”	4	1	1	2	3:4	4
4	“Ал-Аҳли”	4	1	0	3	4:6	3

• «Насаф» ўз майдонида Қатарнинг «Ал-Жаиш» клубини мағлуб эта олмади

Осиё Чемпионлар Лигасида 5-тур учрашувлари 19—20 апрель кунлари бўлиб ўтади.