Апрель ойининг биринчи ҳафтаси мобайнида Тошкент метрополитени бекатларида ўрнатилган мониторларда қушлар ҳақидаги видеоролик намойиш этилади. Ҳар йилнинг 1 апрель куни нишонланадиган Халқаро қушлар кунига бағишланган акция табиатни муҳофаза қилиш давлат қўмитаси томонидан «Birds.uz» сайти билан ҳамкорликда Тошкент метрополитени кўмагида ўтказилмоқда, деб хабар беради «Газета.uz».
«Халқаро қушлар куни — катта шаҳар аҳлига мамлакат миллий табиий мероси ва орнитофаунани сақлаб қолишнинг аҳамиятини эслатиб қўйиш учун яхши сабаб», — деб тушунтирди ташаббусни қўмита матбуот хизмати.
Айтилишича, роликда Ўзбекистон ҳудудида яшайдиган ва қишлайдиган қушларнинг фотосуратларидан фойдаланилган. Улар орасида ноёб турлар ҳамда олис ўлкалардан учиб келадиган «қанотли меҳмон»лар бор.
Изоҳ (0)