Samsung компанияси Galaxy S7 линейкасини яна бир смартфон билан тўлдиришини расман тасдиқлади, дея хабар бермоқда «Hi-tech.mail.ru». Ҳимояланган Galaxy S7 Active ҳақидаги маълумотлар Google Play дўконидаги Samsung Level дастурида пайдо бўлди.
Янги Samsung смартфони SM-G891A модель рақамига эга бўлади. Гаджет Galaxy S6 Active каби MIL-STD-810 синфидаги ҳимояга мувофиқ бўлади.
Бу шуни билдирадики, Samsung Galaxy S7 смартфони шунчаки сув ўтказмайдиган корпусга эга бўлиб қолмайди, балки босим ва ҳароратнинг кескин ўзгаришлари, шўр сувга чўкиш, вибрация шоки, баландликдан қулаш ва бошқа таъсирларга чидамли бўлади. Galaxy S7 Active’нинг қолган хусусиятлари таянч моделидаги параметрларга мос тушиши тахмин қилинмоқда.
Изоҳ (0)