Apple iPad 2 планшет компьютерлари учун iOS 9.3 мобил операцион тизимининг (ОТ) янгиланган версиясини чиқарди. Шунингдек, ОТни ўрнатишда муаммога дуч келган фойдаланувчилар учун махсус саҳифа очилди. Бу ҳақда «РБК» хабар берди.
iPad 2 эгалари iOS 9.3 устидан Apple 21 март куни янги маҳсулотлари тақдимотини ўтказган куннинг эртасидан бошлаб шикоят эта бошлаганди. Улар ОТ янгиланишини ўрнатганидан сўнг планшетни фаоллаштириш талаб этилади, бироқ айнан шу босқичда муаммолар туғила бошлаган: қурилма фойдаланувчига Apple серверига боғланишнинг имкони йўқлигини билдириб, ишламай қоларди.
Планшет эгалари учун кўрсатмалар саҳифасида Apple муаммо ечимини таклиф этади. iPad 2 учун янгиланган iOS 9.3 ўрнатилгандан сўнг қурилма рисоладагидек ишлай бошлаши керак. Шу билан бирга, ОТ хатосидан жабрланганлар компьютерга уланмай туриб, янгиланган версияни жойлаштириб олиши амри маҳол. Агар фойдаланувчида компьютер бўлмаса, Apple ўзининг хос дўконларида тизимни қайта ўрнатиш хизматини таклиф қилади.
Изоҳ (0)