27 март, якшанба куни Facebook’нинг Россия, АҚШ, Буюк Британия ва бошқа мамлакатлардаги фойдаланувчилари Лаҳордаги (Покистон) портлашдан кейинги ҳолатлари ҳақидаги маълумот билан бўлишишлари сўралган хабарни олди. Бу ҳақда «Hi-Tech Mail.ru» маълум қилди.
Мазкур хабарни фожиа рўй берган жойдан минглаб километр узоқда бўлганлар ҳам олган ва улар бундан хавотирга тушган. Бунга манзилни аниқлаш билан боғлиқ адашув сабаб бўлган кўринади.
Ижтимоий тармоқда Safety Check функцияси ишга туширилган бўлиб, йирик ҳодиса рўй берган жой атрофида бўлсангиз, яқинлар ва дўстларга сиз ҳақингизда маълумот олишда ёрдам беради. Gawker порталига кўра, айни пайтда хатони ўнглаш юзасидан иш олиб борилмоқда, Facebook вакиллари эса мазкур адашув учун узр сўраган.
Эслатиб ўтамиз, 27 март, якшанба куни Покистоннинг Панжоб вилояти пойтахти Лаҳор шаҳрида, Гулшани Иқбол боғидаги болалар майдончасида худкуш террорчи ўзини портлатиб юбориши оқибатида 72 киши ҳалок бўлди, 300 дан зиёд киши жароҳат олди.
Изоҳ (0)