Футбол бўйича Евро—2016 га тайёргарлик кўраётган Германия ва Англия терма жамоалари Берлиндаги «Олимпиаштадион»да ўртоқлик учрашуви ўтказди ва ўйин инглизларнинг иродали ғалабаси билан якунига етди. Германия терма жамоаси тарихда биринчи бор ўз майдонида 2 та гол фарқи билан олдинда бора туриб, якунда мағлубиятга учради, деб ёзади «Sports.ru».
Англия миллий терма жамоаси сафида бир неча йиллардан буён чемпионликни қўлга кирита олмай келаётганлардан «Тоттенхем»дан 4, «Ливерпул» клубидан эса 3 нафар футболчи беллашувда иштирок этди.
Рой Хожсон жамоаси иккита гол фарқи билан ҳисобда ортда бораётганига қарамай, ўйин якунига ярим соат вақт қолганида уч гол уришга эришди.
Мавсумнинг Премьер-лигадаги энг яхши футболчиларидан бири сифатида эътироф этилаётган «Лестер» ҳужумчиси Жейми Варди Англия миллий терма жамоасидаги ўзининг дебют голини уришга эришди.
«Championat.com»нинг ёзишича, 29 ёшли ҳужумчи 31 йиллик танаффусдан сўнг миллий терма жамоада «Лестер» футболчилари томонидан гол урилишига сабабчи бўлди. Сўнгги бор 1985 йилда Гари Lineкер бунга муваффақ бўлганди.
Германия — Англия 2:3
Голлар: Тони Кроос, 43 (1:0). Марио Гомес, 57 (2:0). Ҳарри Кейн, 61 (2:1). Жейми Варди, 75 (2:2). Эрик Даер, 90 (2:3).Германия: Мануэл Ноер, Мац Хуммелс (Жонатан Та, 46), Ёнас Хектор, Антонио Рюдигер, Сами Хедира, Эмре Жан, Тони Кроос, Месут Озил, Марко Ройс (Андре Шюррле, 64), Томас Мюллер (Лукас Подолски, 75), Марио Гомес (Марио Гёце, 79).Англия: Жек Батленд (Фрейзер Форстер, 45), Гари Кейхилл, Эрик Даер, Денни Роуз, Натаниэл Клайн, Дели Алли, Адам Лаллана (Росс Баркли, 71), Жордан Ҳендерсон, Крисс Смоллинг, Ҳарри Кейн, Денни Уэлбек (Жейми Варди, 71).
Учрашувдан кейинги фикрлар:
Жейми Варди (Англия терма жамоаси ҳужумчиси):«Германия дарвозасига урган голим мен учун шу мавсумдаги энг катта воқелик. Мен ўзимнинг кўрсатишга ҳаракат қилдим ва бунинг уддасидан чиқдим. Жамоам эса ғалаба қозонди».Сами Хедира (Германия терма жамоаси ярим ҳимоячиси):
«Бугун биз ўйин ташкил қилишда суст ҳаракат қилдик ва бу билан бизга берилган асосий кўрсатмани бажара олмадик».Ҳарри Кейн (Англия терма жамоаси ҳужумчиси):
«Биз ажойиб ўйин ўтказдик, кўпроқ ҳужум ташкил қилдик ва янада кўпроқ гол уришимиз мумкин эди. Бу ўртоқлик учрашуви бўлса-да, биз Англиянинг жамоа сифатидаги кучини кўрсатиб қўйдик».Иохим Лёв (Германия терма жамоаси бош мураббийи):
«Англия терма жамоаси ғалабага ҳақли эди, деб ҳисоблайман. Биз том маънода ўйинни назорат қила олмадик. Иккинчи бўлимда ҳимояда биринчисига қараганда кўпроқ хатога йўл қўйдик. Англия эса тезроқ ўйнади».Рой Хожсон (Англия терма жамоаси бош мураббийи):
«Биз Германияни ҳар доим ҳам мағлуб этавермаймиз. Бу Францияни 2:0 ҳисобида ютганимиздан кейинги юришимизнинг аъло даражадаги давоми бўлди. Кўпроқ имкониятга эга бўлдик ва учта гол урдик. Бунга ишониш қийин».Эрик Даер (Англия миллий терма жамоаси ҳимоячиси):
«Бурчак тўпи тепилаётганда, Ҳендерсондан тўпни дарвозанинг яқин бурчаги томон оширишни сўрадим. Жордан бу ишни аъло даражада амалга оширди ва тўп тўғри менинг бошимга учиб келди. Ҳаммаси шундай бўлганидан даҳшатли даражада бахтиёрман».
Изоҳ (0)