Футбол бўйича Ўзбекистон миллий терма жамоаси ҳужумчиси Александр Гейнрих Филиппинга қарши ЖЧ—2018 ва Осиё Кубоги—2019 саралаш учрашувидан сўнг ЎзМТРКнинг «Спорт» телеканалига қисқача интервью берди.
Маълумот учун, 24 март, пайшанба куни Тошкентдаги «Бунёдкор» стадионида бўлиб ўтган Ўзбекистон — Филиппин учрашуви 1:0 ҳисобида мезбонлар фойдасига ҳал бўлди. Ўйиндаги ягона голга Анзур Исмоилов муаллифлик қилди, унга тўпни Александр Гейнрих етказиб берган эди.
«Майдонга тушиб, жамоага ёрдам бериш — менинг вазифам. Майдонга чиқиб, жамоага ёрдам бера олганимдан хурсандман», — деди футболчи.
«Гол ура олганим йўқ, лекин голга ҳаммуаллифлик қилдим. Шунинг ўзи ҳам ёқимли. Ҳаммаси шундай давом эцин, ҳар сафар майдонга тушганимда ғалаба қозонаверайлик», — дея қўшимча қилди Александр Гейнрих.
Изоҳ (0)