Олмаотада V Shoesstar халқаро пойабзал кўргазмаси якунланди, дея хабар бермоқда «Жаҳон» ахборот агентлиги. Унда Ўзбекистон, Германия, Хитой, Туркия, Италия каби дунёнинг 14 мамлакатидан пойабзал ва чарм-атторлик маҳсулотлари ишлаб чиқарувчи корхоналар қатнашди.
Ўз ичига чарм-атторлик маҳсулотлари ва пойабзал ишлаб чиқариш, терига ишлов бериш, хомашё тайёрлаш бўйича 252 та корхонани бирлаштирувчи «Ўзбекчармпойабзали» Ўзбекистон чарм-пойабзал корхоналари ассоциациясининг миллий услубдаги стенди тадбирнинг ўзига хос хислатига айланди.
Учрашувлар чоғида Ўзбекистон корхоналари маҳсулотларини Қозоғистонга сотиш бўйича Ўзбекистон-Қозоғистон савдо уйини очиш бўйича музокаралар олиб борилди.
Кўргазма якунида «Ўзчармпойабзали» ассоциацияси ҳамда Shoesstar халқаро пойабзал ва чарм-атторлик кўргазмаси дирекцияси ўртасида меморандум имзоланди, 12 миллион доллардан зиёд қийматдаги Ўзбекистон маҳсулотини Қозоғистон ва Россия бозорларига етказиш ҳақида келишувларга эришилди.
Изоҳ (0)