Абонентлар ва корпоратив мижозларнинг салмоқли базасига эга бўлган Ucell янги мобил хизматларни фаол жорий қилмоқда ҳамда бизнеснинг икки сегменти — юридик ва жисмоний шахсларнинг ўсишига ёрдам бермоқда. Компаниянинг навбатдаги таклифи — «Мобил анонс» бизнес ва истеъмолчи ўртасида алоқа ўрнатиш, бизнесни кенгайтириш ҳамда турли ишлаб чиқарувчиларнинг маҳсулотларини тарғиб қилишга мўлжалланган.
Ucell’дан янги хизмат — «Мобил анонс» товарлар ва хизматлар ҳақида маълумотнома хабарларни SMS орқали тарқатиш имкониятини яратади.
Хизмат компанияларга оқилона реклама бюджети ҳисобига янги мижозларни зарур бўлган миқдорда савдо нуқталари, хизмат кўрсатиш офислари ва веб-сайтларга самарадор жалб қилиш имконини беради. Бундан ташқари, хизмат потенциал мижозларни янги товарлар, чегирмалар ва харидлар ҳақида бохабар қилишда тенгсиздир. SMS орқали хабар йўллаш учун зарур гуруҳни саралаб олиш ҳамда олиб борилган кампаниялар якунларига кўра муфассал ҳисоботни кўриб чиқиш имконияти мавжуд. Шу билан бирга, ахборот SMS’ларини фақатгина ушбу хизматга уланган мижозлар олади. Обунадан сўнг абонентлар энг манфаатли таклифлар ҳамда севимли брендларининг энг янги товарлари ҳақидаги маълумотни ўтказиб юбормайди. Асосийси, ҳар бир ўқилган SMS учун абонентлар Ucell’дан манфаатли бонуслар олади, бу билан хизмат бозорнинг барча иштирокчиларига манфаат келтиради.
Ucell компанияси истеъмолчилик сегменти директори Агшин Гажиев бу борада изоҳ берди: «Хизматни ишлаб чиқиш бошланишидан олдин корпоратив мижозлар ҳамда жисмоний шахслар бўлмиш абонентлар эҳтиёжларининг тўлиқ таҳлили ўтказилди. Товарларни бозорда самарадор тарғиб қилиш масалаларининг долзарблигини инобатга олган ҳолда, Ucell компанияси томонидан ‘Мобил анонс’ хизмати таклиф қилинди. Хизматнинг устун жиҳатлари сифатида абонентларни мўлжаллаш параметрлари борасидаги кенг танловни айтиб ўтиш мумкин, бу обуначилар базаларини манфаатдор компанияларга зарур критерийлар бўйича мукаммал сегментлашга ёрдам беради. Шунингдек, битта алоқанинг нархи бошқа анъанавий реклама ташувчиларга нисбатан анча арзондир».
Бугунги кунга келиб ахборот технологиялари, хусусан, мобил алоқа бизнесни ривожлантиришнинг локомотивига айланди. Омадли компаниялар интернет ва мобил алоқани харажатларни қисқартиришда, мижозлар базасини кенгайтиришда мамнуният билан қўллайди. Ишбилармон инсонлар мобил алоқа компаниялари таклиф қилаётган янгиликларни ҳар доим илиқ кутиб олади, негаки улар вақтни тежаш, шериклар билан масалаларни тезкор ҳал қилишга ёрдам беради. Шу билан боғлиқ равишда, компаниянинг «Мобил анонс» хизмати маҳаллий бизнеснинг самарадор шаклда ахборот тарқатиши, ўз товар ва хизматларини тарғиб қилиши ва сотишида бевосита кўмак бўлади.
Реклама ҳуқуқи асосида