“Mobil anons” — Ucell kompaniyasidan biznes uchun yangi xizmat!
Abonentlar va korporativ mijozlarning salmoqli bazasiga ega bo‘lgan Ucell yangi mobil xizmatlarni faol joriy qilmoqda hamda biznesning ikki segmenti — yuridik va jismoniy shaxslarning o‘sishiga yordam bermoqda. Kompaniyaning navbatdagi taklifi — “Mobil anons” biznes va iste’molchi o‘rtasida aloqa o‘rnatish, biznesni kengaytirish hamda turli ishlab chiqaruvchilarning mahsulotlarini targ‘ib qilishga mo‘ljallangan.
Ucell’dan yangi xizmat — “Mobil anons” tovarlar va xizmatlar haqida ma’lumotnoma xabarlarni SMS orqali tarqatish imkoniyatini yaratadi.
Xizmat kompaniyalarga oqilona reklama budjeti hisobiga yangi mijozlarni zarur bo‘lgan miqdorda savdo nuqtalari, xizmat ko‘rsatish ofislari va veb-saytlarga samarador jalb qilish imkonini beradi. Bundan tashqari, xizmat potensial mijozlarni yangi tovarlar, chegirmalar va xaridlar haqida boxabar qilishda tengsizdir. SMS orqali xabar yo‘llash uchun zarur guruhni saralab olish hamda olib borilgan kampaniyalar yakunlariga ko‘ra mufassal hisobotni ko‘rib chiqish imkoniyati mavjud. Shu bilan birga, axborot SMS’larini faqatgina ushbu xizmatga ulangan mijozlar oladi. Obunadan so‘ng abonentlar eng manfaatli takliflar hamda sevimli brendlarining eng yangi tovarlari haqidagi ma’lumotni o‘tkazib yubormaydi. Asosiysi, har bir o‘qilgan SMS uchun abonentlar Ucell’dan manfaatli bonuslar oladi, bu bilan xizmat bozorning barcha ishtirokchilariga manfaat keltiradi.
Ucell kompaniyasi iste’molchilik segmenti direktori Agshin Gajiyev bu borada izoh berdi: “Xizmatni ishlab chiqish boshlanishidan oldin korporativ mijozlar hamda jismoniy shaxslar bo‘lmish abonentlar ehtiyojlarining to‘liq tahlili o‘tkazildi. Tovarlarni bozorda samarador targ‘ib qilish masalalarining dolzarbligini inobatga olgan holda, Ucell kompaniyasi tomonidan ‘Mobil anons’ xizmati taklif qilindi. Xizmatning ustun jihatlari sifatida abonentlarni mo‘ljallash parametrlari borasidagi keng tanlovni aytib o‘tish mumkin, bu obunachilar bazalarini manfaatdor kompaniyalarga zarur kriteriylar bo‘yicha mukammal segmentlashga yordam beradi. Shuningdek, bitta aloqaning narxi boshqa an’anaviy reklama tashuvchilarga nisbatan ancha arzondir”.
Bugungi kunga kelib axborot texnologiyalari, xususan, mobil aloqa biznesni rivojlantirishning lokomotiviga aylandi. Omadli kompaniyalar internet va mobil aloqani xarajatlarni qisqartirishda, mijozlar bazasini kengaytirishda mamnuniyat bilan qo‘llaydi. Ishbilarmon insonlar mobil aloqa kompaniyalari taklif qilayotgan yangiliklarni har doim iliq kutib oladi, negaki ular vaqtni tejash, sheriklar bilan masalalarni tezkor hal qilishga yordam beradi. Shu bilan bog‘liq ravishda, kompaniyaning “Mobil anons” xizmati mahalliy biznesning samarador shaklda axborot tarqatishi, o‘z tovar va xizmatlarini targ‘ib qilishi va sotishida bevosita ko‘mak bo‘ladi.
Reklama huquqi asosida
