Кўчмас мулкка ихтисослашган «Uybor.uz» сайти янада қулайлашди — излаш аввалгидан ҳам осонлашди, эълонни қўшиш мукаммаллашди, сайтнинг дизайни эса янада замонавий кўриниш олди.
Кўпчилик «Uybor.uz» сайтидаги фойдаланувчи учун мўлжалланган устунликлардан хабардор — сайтдан фойдаланиш бепул, у тез ишлайди ва янгиланади, унда эълонлар тўлиқ, батафсил ва кўпинча суратлари билан тақдим этилади. Бу қулайликлар нафақат эълонларни кўриш, балки жойлаштиришга ҳам тааллуқли.
Бундан ташқари, «Uybor.uz»даги «Квартираларни баҳолаш» воситаси ёрдамида сотмоқчи ёки сотиб олмоқчи бўлаётган хонадонингизни ўртача ҳақиқий бозор нархини билиб олишингиз, уй ёки офис олди-сотдиси ва ижараси билан боғлиқ югур-югурларга тоқатингиз бўлмаса, риелторлар базасидаги фойдаланувчилар томонидан тузилган ҳаққоний рейтингга асосланиб, ёрдамчи агентни ёллашингиз мумкин.
«Uybor.uz» ходимлари уй-жой ва офис сотиб олиш ва сотиш, ижарага олиш ва бериш бўйича ўз фойдаланувчиларига тақдим этилаётган хизматларни мукаммаллаштириш йўлида тинимсиз иш олиб бормоқда. Хусусан, сайтдаги излаш янада қулай кўриниш олди — аввалгидан фарқли равишда, энди сотиб олиш ёки ижарага олиш учун иншоот қидираётганингизда ўзингиз учун маъқул туман, мавзе, метро бекатларини, шунингдек, хоналар сони ва квартира жойлашган қават каби параметрларни бир вақтнинг ўзида бир неча хил вариантда танлашингиз мумкин.
Энди «Uybor.uz»нинг бош саҳифасидаёқ Сизни кенгайтирилган қидирув кутиб олади ва, энг муҳими, у ўзининг соддалиги билан эътиборга молик. Қидирув формасида Сизга керакли хонадон майдони (ёки хоналар сони), туман ёки метро бекатига қараб жойлашган жойи, бино қурилишида ишлатилган асосий материал (ғиштли, панелли ва ҳ.к.), жойлашган қавати, нархи, аҳволи (Европа услубида таъмирланган ёки таъмирталаб ва ҳ.к.) каби кўрсаткичларни осонлик билан танлашингиз мумкин.
«Uybor.uz»га эълон жойлашлтирмоқчи бўлган фойдаланувчилар учун эса янада мукаммалроқ ечимлар тайёрланди. Масалан, энди сотувчи мақомидаги «Uybor.uz» фойдаланувчиси ижара муддатини кунлар ёки узоқроқ муддат бўйича белгилаши, сотилаётган квартира нархини эса квадрат метри учун кўрсатиши, харидор эътиборига ҳавола қилинаётган объектни харитага яққол кўринадиган қилиб жойлаштириши мумкин. Шунингдек, эълон қўшиш саҳифасида фойдаланувчи учун вақт ва бозор синовидан ўтган қимматли маслаҳатлар ҳам берилади.
Албатта, «Uybor.uz»нинг имкониятлари биргина сайт билан чекланиб қолмайди. Сайтга эълонларни Android ва iOS операцион тизимлари учун мўлжалланган махсус мобил дастур орқали жойлаштириш мумкин, харидорни қизиқтирган йўналиш (масалан, Юнусободда ижарага берилаётган бир хонали квартиралар нархи) бўйича энг янги эълонлардан, бу эълонлар сайтга жойлаштирилиши билан, Telegram воситасида @uybor_bot орқали бохабар бўлиш мумкин.
Реклама ҳуқуқи асосида
Изоҳ (0)