Ўзбекистонда 23 март куни ҳаво ўзгариб туради, мамлакатнинг қатор ҳудудларида ёғингарчилик кузатилади. Бу ҳақда «Ўзгидромет» маркази хабар берди.
23 мартга ўтар кечаси Ўзбекистоннинг тоғли ҳудудлари, Қорақалпоғистон Республикаси, Хоразм вилоятида ҳаво ҳарорати +7, Фарғона водийсида +10 даражагача илиқ бўлади.
Чоршанбага ўтар кечаси Тошкент, Самарқанд, Жиззах, Сирдарё вилоятлари ва Тошкент шаҳрида +12 даражагача, Бухоро, Навоий, Қашқадарё ва Сурхондарёда +15 даражача илиқ бўлиши кутилмоқда.
23 март куни кундузи Тошкент, Самарқанд, Жиззах, Сирдарё, Андижон, Наманган, Фарғона вилоятлари ва Тошкент шаҳрида ҳаво ҳарорати +22 даражагача, Қашқадарё ва Сурхондарёда +23 даражагача илиқ бўлади.
Қорақалпоғистон ва Хоразмда ҳаво ҳарорати +16 даражагача, Ўзбекистоннинг тоғли ҳудудларида +18 даражагача, Бухоро ва Навоийда эса +20 даражагача илиқ бўлиши кутилмоқда.
23 март куни Қорақалпоғистон Республикаси ва Хоразм вилоятида ёмғир ёғади, Бухоро, Навоий, Қашқадарё, Сурхондарё вилоятлари ва Ўзбекистоннинг тоғли ҳудудларида ёмғир ёғиши билан бирга момақалдироқ ҳам бўлиши мумкин.
Изоҳ (0)