Тошкентда Янгиободгача бўлган трамвай йўналиши демонтажи бошланди

Тошкентда Янгиободгача («Роҳат» бекати) бўлган трамвай йўналиши фаолиятини қайта йўлга қўйиш масаласига узил-кесил нуқта қўйилди: ўтган ҳафтада 45 йил аввал ишга тушган ва бир неча йил давомида фаолият кўрсатмаган йўналиш демонтажи бошланди, дея хабар беради «Газета.uz».

Эслатиб ўтамиз, Тошкент ҳокимлиги Тараққиёт кўчасидан (эски ТошМИ)дан бошланиб, Тошкент механика заводи орқали Оҳангарон йўлига қадар давом этувчи трамвай йўли қурилишидан воз кечди: 11 март, жума куни 13-трамвай йўналиши қисқартирилганидан сўнг Тараққиёт кўчасида ажралиб қолган трамвай йўли бўлагидаги рельсларни олиб ташлаш ишлари бошланган.

Ҳозирда Тошкентда олтита — 8, 9, 12, 13, 17 ва 26-трамвай йўналишлари қолган. Олдинроқ «Олмазор» метро бекатидан (собиқ «Собир Раҳимов») Сергели даҳасигача тезюрар трамвай йўли қурилиши ҳақида хабар берилганди.