23-mart kuni Buxorodan Surxondaryogacha yomg‘ir yog‘ib, momaqaldiroq bo‘lishi mumkin
O‘zbekistonda 23-mart kuni havo o‘zgarib turadi, mamlakatning qator hududlarida yog‘ingarchilik kuzatiladi. Bu haqda “O‘zgidromet” markazi xabar berdi.
23-martga o‘tar kechasi O‘zbekistonning tog‘li hududlari, Qoraqalpog‘iston Respublikasi, Xorazm viloyatida havo harorati +7, Farg‘ona vodiysida +10 darajagacha iliq bo‘ladi.
Chorshanbaga o‘tar kechasi Toshkent, Samarqand, Jizzax, Sirdaryo viloyatlari va Toshkent shahrida +12 darajagacha, Buxoro, Navoiy, Qashqadaryo va Surxondaryoda +15 darajacha iliq bo‘lishi kutilmoqda.
23-mart kuni kunduzi Toshkent, Samarqand, Jizzax, Sirdaryo, Andijon, Namangan, Farg‘ona viloyatlari va Toshkent shahrida havo harorati +22 darajagacha, Qashqadaryo va Surxondaryoda +23 darajagacha iliq bo‘ladi.
Qoraqalpog‘iston va Xorazmda havo harorati +16 darajagacha, O‘zbekistonning tog‘li hududlarida +18 darajagacha, Buxoro va Navoiyda esa +20 darajagacha iliq bo‘lishi kutilmoqda.
23-mart kuni Qoraqalpog‘iston Respublikasi va Xorazm viloyatida yomg‘ir yog‘adi, Buxoro, Navoiy, Qashqadaryo, Surxondaryo viloyatlari va O‘zbekistonning tog‘li hududlarida yomg‘ir yog‘ishi bilan birga momaqaldiroq ham bo‘lishi mumkin.
