Қозоғистонда давлат хизматчиларига иш жойларида смартфон ва планшетлардан фойдаланиш тақиқланади, деб ёзади «Интерфакс».
Агентликка қатор вазирликлар ишчилари маълум қилишича, март бошида улар энди ўзлари билан биноларга смартфон ва планшетларни олиб кира олмаслиги ҳақида хабардор қилинган.
24 мартдан жорий қилинадиган ушбу тақиқ ҳақидаги билдиришнома бош вазир канцеляриясидан тарқатилган. Унда смартфон ва планшетларни уйда қолдириш ёки тугмали телефонлардан фойдаланиш кераклиги айтилади. Агентлик манбалари бундай буйруқ сўнгги вақтларда тез-тез содир бўлаётган хизмат ахборотининг тарқалиб кетиши ҳолатлари билан боғлиқлигини таъкидлади.
Изоҳ (0)