Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси «Тошкент» фонд биржасида «Навоийазот» ва «Қизилқумцемент» акциядорлик жамиятлари давлат улушларини умумий 361,2 миллион доллар бошланғич нарх билан сотувга қўйди. Бу ҳақда «Газета.uz» хабар бермоқда.
«Навоийазот»нинг 49% активи 200,9 миллион, «Қизилқумцемент»нинг 35,9% акцияси эса 160,3 миллион долларга баҳоланди.
2015 йил май ойида Ўзбекистондаги давлат улуши хорижий инвесторларга сотиладиган 68 стратегик корхона рўйхати тасдиқланди. Шу йил бошида ҳукумат 2016 йил 1 июлига келиб инвесторларга 55 корхона давлат улушини таклиф этиши маълум бўлди.
Изоҳ (0)