Американинг Atlantic нашри журналисти билан суҳбат чоғида АҚШ президенти Владимир Путин билан учрашувлардан олган таассуротлари ҳақида гапириб берди, деб ёзади «РБК». Барак Обама сўзларига кўра, Россия етакчиси уни бошқа кишилар каби икки соатлаб куттирмайди ва шерик бўлиб кўринишга интилади, чунки у «унчалик ҳам аҳмоқ эмас».
«У биз билан ишлашга ва бизнинг шеригимиз бўлиб кўринишга доим қизиқиш билдиради, чунки у унчалик ҳам аҳмоқ эмас», — деди Обама.
Унинг сўзларига кўра, Путин ҳозирда Россия дунёдаги ўрнини йўқотаётганини ҳамда «унинг Қримга бостириб кириши ёки Асадни қўллаб-қувватлашга уриниши уни тўсатдан ўйинчига айлантирмаслигини» тушунади.
АҚШ президенти интервью чоғида мамлакат Украина туфайли тўлиқ кўламдаги урушни бошлашга тайёр эмаслигини айтди. У Вашингтон хатти-ҳаракатларидан қатъи назар, доимо Украинага Россия ҳарбий ҳужум уюштириши хавфи мавжуд бўлишини таъкидлади.
Изоҳ (0)