6 март, якшанба куни Миср ва Франция Ramses—2016 номли қўшма ҳарбий машғулотларни бошлади. Миср армияси баёнотига таяниб, «ТАСС» агентлигининг хабар беришича, кемалар ва ҳарбий авиация манёврлари мамлакатнинг шимолий пойтахти — Искандария шаҳри қирғоғи яқинида ўтказилмоқда.
Машғулотларда яқинда Франция томонидан Мисрга етказиб берилган FREMM тоифали кўп мақсадли фрегат ҳамда Франция флоти флагмани, Charles de Gaulle авиаташувчиси иштирок этмоқда.
Ҳарбий ўқувлар бир неча кун давом этади. Машғулотлардан олдин Ғарб давлатлари Миср билан қўшни Ливияда радикал гуруҳларга қарши ҳарбий операция бошлаши мумкинлиги хабар қилинган эди.
Изоҳ (0)