Австриялик машҳур дирижёр Николаус Арнонкур 86 ёшида Венада вафот этди. Бу ҳақда «РБК» хабар бермоқда.
Николаус 1929 йилда Берлинда таваллуд топган. Арнонкур 1952 йилда Вена симфоник оркестрида иш бошлаган, турмуш ўртоғи билан Concentus Musicus Wien ансамблига асос солганди. Дирижёр сифатида 1970 йилда «Ла Скала» театрида дебют қилган. Кейинчалик кўплаб оркестрларда меҳнат қилган Арнонкур 2015 йилнинг декабрида соғлиғи билан боғлиқ муаммолар туфайли фаолиятини якунлаганди.
У барча замонларнинг энг буюк дирижёрлари қаторида саналар эди. Хусусан, мусиқа экспертлари сўрови асосида тузилган дунёнинг энг яхши дирижёрлари рейтингида бешинчи ўринда қайд этилган. «Грэмми», Шуман, Телеман номидаги ва бошқа кўплаб мукофотларга сазовор бўлган, мусиқа тарихи ҳамда буюк бастакорлар ҳақидаги кўплаб китоблар муаллифи эди.
Изоҳ (0)