Ўзбекистоннинг тоғли ҳудудларида 2 мартга ўтар кечаси қисқа муддатли ёғингарчилик — ёмғир ва қор кузатилди. «Ўзгидромет» ахборотига кўра, мамлакатнинг бошқа ҳудудларида ёғингарчилик қайд этилмаган.
1 март, сешанба куни Тошкент шаҳрида ҳаво ҳарорати +22,1 даражагача (1 март тарихидаги аввалги рекорд: +22,3 даража — 2006 йил), Самарқанд шаҳрида +17,7 даражагача (рекорд: 22,7 даража — 1986 йил), Термиз шаҳрида +19,2 даражагача (рекорд: +25,7 даража — 1987 йил), Нукус шаҳрида +9,3 даражагача (рекорд: +21,4 даража — 2005 йил) кўтарилди.
Ўзбекистон бошқа шаҳарларида шу куни энг юқори ҳаво ҳарорати қуйидагича бўлди: Урганч шаҳарида +9, Қаршида +15, Бухоро, Навоий шаҳарларида +16, Жиззах шаҳрида +18 даража, Гулистонда +20, Андижон шаҳрида +22, Наманган, Фарғона шаҳарларида +23 даража.
Изоҳ (0)