2016-йилнинг 1 мартидан бошлаб Ўзбекистон ҳудудида янги таҳрирдаги Йўл ҳаракат қоидалари кучга киради. Шу муносабат билан «Carzone.uz» нашри ҳайдовчилар, йўловчилар ва пиёдаларга нисбатан амалга қиладиган энг муҳим янги тартиб ва қоидаларни ёдга олиб ўтди.
1 мартдан бошлаб ҳайдовчилар:
- ҳаракатни бошлашдан олдин йўловчиларни ҳаракат вақтида танани автомобиль салонидан ташқарига чиқариш мумкин эмаслиги ҳақида огоҳлантириши (қўлни чиқариш бунга кирмайди);
- йўловчиларга хавфсизлик камарини тақиб олиш шартлигини айтиши;
- кўп қаватли уйлар орасида автомобиль тезлигини 30 км/соатдан оширмаслиги;
- ўзи билан бирга нур қайтарувчи нимча олиб юриши;
- ташкилий равишда одам олиб кетаётган, йўловчиларни ташиётган автобуслар, микроавтобуслар, шунингдек, мотоцикл ва мопедларда куннинг ёруғ пайтида ҳаракатланаётганда ҳам яқинни ёритувчи чироқларини ёқиб юриши;
- двигатель иш ҳажми 50 куб сантиметрдан катта, тезлиги 50 км/соатдан ортиқ бўлган квадротцикл, скутер ва электроскутер кабиларни давлат рақами ва ҳайдовчилик гувоҳномасисиз бошқармаслиги;
- «А» тоифадаги транспорт воситаларини бошқариш ҳуқуқини берувчи ҳайдовчилик гувоҳномасини олишга ўқиётганларнинг ёши ўқишни битириш вақтида 16 ёш, «B» ва «C» тоифадаги ҳайдовчилик гувоҳномасини олишга ўқиётганларнинг ёши ўқишни битириш вақтида 18 ёш, «D» ва трамвай, троллейбусни бошқариш ҳуқуқини берувчи ҳайдовчилик гувоҳномасини олишга ўқиётганларнинг ёши ўқишни битириш вақтида 21 ёш бўлиши шарт.
Бундан ташқари, Тошкент шаҳрида йўл ҳаракати хавфсизлиги компьютерлаштирилган бошқарув тизими орқали таъминланади. Тошкент йўлларида автомобилни бошқариш вақтидаги қоидабузарлик фото ва видеофиксация тизими орқали қайд этилса, мазкур ҳолат юзасидан транспорт воситаси эгаси тегишли тартибда жаримага тортилади.
Изоҳ (0)