Непалда Tara Air авиакомпаниясининг Twin Otter самолёти қулаган жойда 20 кишининг жасади топилди. Бу ҳақда Покхара шаҳри аэропорти вакили Дипак Баран маълум қилган, дея хабар беради «РИА Новости».
«20 кишининг жасади топилди. Ҳодиса жойида икки вертолёт ишлаяпти. Улар жасадларни Бануда тўплаб, кейинчалик Покхарага олиб келади. Ҳалокат сабаблари аниқланмоқда, текширув кетмоқда. Ҳозирча ҳеч нарса айта олмаймиз», — дея таъкидлаган аэропорт вакили.
Эслатиб ўтамиз, олдинроқ ҳалокат жойида 17 кишининг жасади топилгани билдирилганди. Покхарадан Жомсом шаҳрига йўл олган самолёт бортида 20 нафар йўловчи ва 3 нафар экипаж аъзоси, жами 23 киши бўлган.
Изоҳ (0)