Малайзиялик аёл Malaysia Airlines авиакомпаниясига қарашли Boeing 777-200 самолётининг MH370 рейсида бўлган турмуш ўртоғининг ўлими учун 7,6 миллион доллар товон талаб қилиб, авиакомпания ва мамлакат расмийларидан қарши даъво киритди. Бу ҳақда «РИА Новости» хабар бермоқда.
32 ёшли Шри Деви томонидан берилган даъво аризасида турмуш ўртоғи авиакомпания ва давлат муассасалари томонидан йўл қўйилган нуқсонлар туфайли нобуд бўлгани таъкидланган.
Адвокатларнинг билдиришича, ҳодиса юз берганига 2 йил тўлаётгани ва авиакомпанияларга нисбатан юридик шикоятлар киритиш муддати якунланаётгани сабабли яқин кунларда MH370 иши бўйича шунга ўхшаш даъво аризалари берилиши кутилмоқда.
Эслатиб ўтамиз, Куала-Лумпурдан Пекинга йўл олган ва бортида 227 нафар йўловчи, 12 нафар экипаж аъзоси бўлган лайнер 2014 йил, 8 мартга ўтар кечаси ғойиб бўлган. Ҳаво кемаси Ҳинд океанининг жанубий қисмига қулагани тахмин қилинади, бироқ ҳозиргача бунинг далиллари топилмаган.
Изоҳ (0)