Японияда Жанубий ва Шимолий Америкада Зика безгаги тарқалганидан бери мазкур вирусни юқтириш билан боғлиқ биринчи ҳолат қайд этилди. Бу ҳақда 24 февраль, пайшанба куни мамлакат соғлиқни сақлаш, меҳнат ва фаровонлик вазирлиги маълум қилди, дея хабар беради «ТАСС».
Маълумотларга кўра, касаллик 22 февраль куни Бразилиядан икки ҳафталик сафардан қайтган Канагава префектурасида яшовчи фуқарода аниқланган. 20 февралда унинг ҳарорати кўтарилади, бироқ у Японияга қайтгач, бу ҳақда карантин ҳудуди ходимларига маълум қилмаган, буни аэропортда ўрнатилган тепловизорлар ҳам қайд этмаган. Айни пайтда у даволаниш курсини ўтамоқда.
Шу билан бирга, вазирлик вакилининг билдиришича, «чивинлар мавсуми» бўлмагани учун Японияда касаллик тарқалиши хавфи мавжуд эмас. Мазкур касаллик мамлакатда 2013 ва 2014 йилларда ҳам кузатилгани айтилмоқда.
Изоҳ (0)