LG Electronics (LG) компанияси G4 Stylus’нинг такомиллаштирилган версияси — Stylus 2 ни Испаниянинг Барселона шаҳридаги MWC 2016 кўргазмасида тақдим этади. Дисплей диагонали 5,7 дюйм бўлган модель LG флагман қурилмаларининг энг яхши жиҳатларини ўзида жамлаган. Стилуснинг учи наноқопламага эга, бу эса резина материалли қоплама билан қопланган унинг аналогларига нисбатан матнни янада аниқроқ териш имконини беради.
LG Stylus 2 учун бир қатор функциялар махсус ишлаб чиқилган. Мисол учун, Pen Pop дастури билан Pop Memo ва Pop Scanner ўртасида тезкор ўтиш менюсини ёқиш мумкин. Бундан ташқари, янги маҳсулотда биринчи марта Pen Keeper функцияси қўшилди. Ушбу функция сенсор стилуснинг жойида эмаслигини қайд этганда, дисплейга хабар чиқаради ва стилуснинг йўқолиб қолиши олдини олади. Янги Calligraphy Pen шрифти эса ёзувни пероли ручкада ёзилгандек чиройли ва нафис кўринишда чиқаради.
LG Stylus 2 ўзининг ўтмишдошларидан анча юпқа ва енгил, қалинлиги 7,4 мм, оғирлиги эса 145 грамм. Унинг орқа панели Spin Hairlane нақши билан безатилган, металлга хос кўринишда ишланган рамка эса телефоннинг ён томонларини ўраб туради.
LG Stylus 2 смартфони 3000 мА/соатли аккумулятор сиғимига ва SD карта учун слотга эга, бу эса фойдаланувчиларга турли мультимедиа контентларини 5,7 дюйм диагоналли катта дисплейда завқ билан томоша қилиш имконини беради.
«LG Stylus 2 катта дисплей, флагман смартфонларига хос энг яхши функциялар ва ўрта нарх сегментига мансуб моделларнинг нархини ўзида мужассам қилган, — деди LG Electronics Mobile Communications компаниясининг президенти Жуно Чо. — Мазкур смартфон, ўсиш ва ижодий салоҳиятни намоён этиш учун кенг имкониятларини ҳисобга олган ҳолда, оммавий сегмент моделларини янада яхшилаш йўлидаги яна бир қадамдир».
LG Stylus 2 нинг техник хусусиятлари:*
Экран: 5,7 дюймли HD In-Cell Touch 1280 х 720)Процессор: 4 ядроли 1,2 ГГцКамера: Асосий камера 13 Мп / Олд камера 8 МпХотира: 1,5 Гб LPDDR3 RAM / 16 GB ROM / MicroSDАккумулятор: 3000 мА/соатли (алмаштириладиган)Операцион тизими: Android 6.0 MarshmallowЎлчамлари: 155 х 79,6 х 7,4 ммОғирлиги: 145 г.Тармоқ: LTE / HSPA+ / GSMWi-Fi: 802.11 b, g, n / Bluetooth версияси: 4.1 / USB версияси: 2.0Ранги: Титан / Оқ / Жигар ранг*Таснифлар/имкониятлар бозорга қараб ўзгариши мумкин.
Реклама ҳуқуқи асосида
Изоҳ (0)