Охus ансамбли 7—20 февраль кунлари ўзбек мумтоз ва анъанавий мусиқа намуналаридан тайёрланган дастур асосида Латвия, Эстония ва Финляндияда ижодий сафарда бўлиб қайтди. Бу ҳақда Oxus Culture матбуот хизмати хабар бермоқда.
Ушбу концерт сафари Эстониянинг MUUILMAMUUSIKA ташкилоти томонидан Oxus Culture ташкилоти билан ҳамкорликда ташкил этилган бўлиб, буюк мутафаккир Алишер Навоий таваллудининг 575 йиллиги ҳамда давлат арбоби, шоҳ ва шоир Заҳириддин Муҳаммад Бобурнинг 533 йиллигига бағишланди. Сафардан кўзланган мақсад эса Болтиқбўйи мамлакатлари аҳолисини Шашмақом мусиқа мероси билан яқиндан таништириш бўлди.
Эстониянинг Таллин, Тарту ҳамда Вильянди шаҳарларидаги концертларда Навоийнинг «Фарҳод ва Ширин» ҳамда «Садди Искандарий» достонларининг эстон тилидаги таржималаридан парчалар ўқиб эшиттирилди. Таллинда бўлиб ўтган концертда ушбу достонлардан парчаларни таржимон — Ли Сеппел-Эхин (Ly Seppel-Ehin)нинг шахсан ўзи ўқиб берди.
Изоҳ (0)