Neftning etalon navlari narxlari 24-fevral, chorshanba kuni pasaymoqda, deb yozadi “Vedomosti” savdo maydonlari ma’lumotlariga tayanib.
Londonning ICE Futures birjasida Brent markasidagi neftning aprel fyucherslari barreliga 33 dollardan arzonlashdi. Toshkent vaqti bilan 10:30 ga kelib, bir barrel 32,8 dollarga teng bo‘ldi. Nyu-York tovar birjasida (NYMEX)gi elektron savdolarda WTI navidagi neftning fyucherslari kotirovkalari bu vaqtga kelib, barreliga 31,13 dollargacha tushdi.
Nashr ta’kidlashicha, neft narxlarining tushishiga Saudiya Arabistoni neft vaziri Ali al-Naimiyning bayonoti sabab bo‘ldi. U Xyustondagi IHS CERAWeek konferensiyasida 23-fevral kuni Ar-Riyod neft qazib chiqarish hajmini kamaytirmasligini ma’lum qilgan edi — gap neft yetkazib berish hajmini hozirgi darajada saqlab qolish haqidagina borishi mumkin.
Izoh (0)