«Барселона» ҳужумчиси Неймар ўз ватанида бўлиб ўтадиган Олимпиада баҳсларида иштирок эта олмаслиги мумкин, деб хабар беради «Uff.uz».
Каталонияликлар 24 ёшли ҳужумчини Олимпиадага қўйиб юборишни истамаяпти. Агар Неймар Рио-де-Жанейрога борган тақдирда ҳам, бунинг учун «Барселона» ўз шартларини қўяди. Яъни, клуб мусобақа давомида ҳужумчининг маошини тўлашни истамаяпти ва бу ишни Бразилия футбол федерацияси гарданига қўймоқчи. Шунингдек, Неймар жароҳат олса, «Барселона»га суғурта пули ваъда қилиниши лозим.
Эслатиб ўтамиз, Неймар Олимпиадага кетган тақдирда, «Барселона» мабодо Европа Суперкубоги ва Испания Суперкубогида иштирок этса, бразилиялик ҳужумчи майдонга туша олмайди. Бразилия олимпия терма жамоаси бош мураббийи Дунга Олимпиада ўйинларига Неймар, Миранда ва Алиссонни таклиф этишни режалаштирмоқда.
Изоҳ (0)