Кейт Уинслет бу йил яна «Оскар» мукофотига номзоди қўйилган Леонардо Ди Каприо АҚШ киноакадемияси жюри аъзолари томонидан эътироф этилмаётганини адолатсизлик деб ҳисоблайди. Бу ҳақда у People нашрига берган интервьюсида маълум қилган, дея хабар беради «Сегодня.ua».
«У мен кўп йиллардан бери биладиган ўша Лео, аммо профессионал нуқтаи назардан қараганда жуда улғайган. Забардаст актёр: аввалгига қараганда кучлироқ, чиройлироқ ва ўзига ҳар қачонгидан кўра ишончи баланд. У билан боғлиқ шунча гап-сўзга қарамай, совуққонликни бой бермай келмоқда», — дея таъкидлаган Уинслет.
40 ёшни қаршилаган актриса 41 ёшли Леонардо Ди Каприода деярли йигирма йил аввалги «Титаник»даги шеригини кўришини яширмади. «У ажойиб ва содиқ дўст, ҳамиша шундай бўлган. Нафақат менга, балки ўзига яқин барча кишиларга нисбатан ҳам шундай. У ҳозиргача «Титаник» фильмини суратга олиш чоғида танишган кўпчилик инсонлар билан яқин алоқаларни узмаган», — дейди Кейт.
Изоҳ (0)