Агар Туркия Сурийда қуруқликдаги операцияларни ўтказишга қарор қилса, Россия суриялик курдларни ҳимоя қилишга ваъда берди. Бу ҳақда яқинда Москвада очилган Сурия Курдистони ваколатхонаси раҳбари Роди Осман маълум қилди. Унинг сўзларига кўра, Туркиянинг бу ҳаракати «катта уруш»га олиб келади, деб хабар беради «РБК».
«Биз бу таҳдидни жуда жиддий қабул қиламиз, чунки Туркияни бошқараётган ҳукумат — бу уруш ҳукумати. Агар бостириб кириш юз берса, Россия бунга жавоб беради. Бу фақат курдларни қўллаб-қувватлаш масаласи эмас, улар Суриянинг ҳудудий яхлитлигини ҳимоя қилади», — деди Роди Осман.
Османнинг сўзларига кўра, суриялик курдлар ўз ерларини озод қилишда давом этади ва «агар Туркия бўлмаганида бу жараён янада тезроқ кечарди».
Изоҳ (0)