АҚШнинг Apple корпорацияси Федерал қидирув бюроси ходимларига Калифорния штатидаги Сан-Бернардино шаҳрида оммавий қотиллик уюштирган жиноятчилардан бирининг телефонини бузиб, ундаги маълумотларни олишда ёрдам бериши лозим. Бундай қарорни сешанба, 16 февраль куни судья Шери Пим эълон қилди, деб хабар беради «ТАСС» агентлиги.
Суд қарорига мувофиқ, корпорация шу пайтга қадар террорчилардан бири Саид Фаруқнинг мобил ускунаси маълумотларига бузиб кира олмаётган ФҚБ ходимларига махсус дастурий таъминот тақдим этиши талаб қилинади.
Муқаддам ускунанинг ҳимоясини буза олмаётгани ҳақида баёнот берган ФҚБ телефоннинг русумини ошкор этмаганди. Суд қароридан сўнг гап Apple маҳсулоти ҳақида кетаётгани маълум бўлди, деб ҳисобламоқда журналистлар.
Эслатиб ўтамиз, 2015 йилнинг 2 декабрь куни АҚШ фуқароси Саид Фаруқ турмуш ўртоғи Тешфин Малик билан Сан-Бернардинодаги ногиронларга ёрдам кўрсатиш марказига уюштирган ҳужуми оқибатида 14 киши ҳалок бўлган, 21 киши жароҳат олган эди. Полиция томонидан йўқ қилинган террорчилар ИШИДга дахлдорлиги айтилган эди.
Изоҳ (0)