Актёр Жавоҳир Зокиров «Улуғбек» номли янги тарихий фильмда суратга тушмоқда. Бунга далил сифатида актёр Facebook’даги саҳифасига тарихий сиймо кўринишидаги суратини жойлаштирган.
Фото: Facebook / Джаваҳир Закиров
«Бу сурат ‘Улуғбек’ номли янги тарихий фильмдан олинган. Ман мазкур картинада Абдулатиф ролини ижро этяпман. Аммо ҳозирча бундан ортиқ маълумот бера олмайман», — деди актёр журналист Феруз Муҳаммадга берган интервьюсида.
Фото: Facebook / Джаваҳир Закиров
Жавоҳир Зокировнинг Twitter ва Instagram’даги саҳифаларида Хивадаги суратга олиш ишлари жараёни акс этган кўплаб суратлар ва видеолар эълон қилинган. Суратларда Голливудда ижод қилган режиссёр Баҳодир Йўлдошев ҳам бор.
Фото: Instagram / @jzakirov
Улуғбекнинг ёшлиги ва унинг аёли ролини гавдалантирган актёрлар.
Фото: Instagram / @jzakirov
Сурат ва видеоларда актёр Маъруф Отажоновни ҳам кўриш мумкин. Отажонов 2015 йил ноябрь ойида «Бекажон» газетасига берган интервьюсида уни «хорижлик режиссёрлар суратга олаётган <...> фильмдаги Амир Темур ролига тасдиқлашгани»ни айтиб ўтганди.
Суратга олиш жараёнидан олинган алоҳида фотолар «Одноклассники» ижтимоий тармоғида ҳам тарқалган.
Фото: «Одноклассники»
Фото: «Одноклассники»
Фото: «Одноклассники»
2016 йил январида ProToday нашри режиссёр Баҳодир Йўлдошев ЮНЕСКО билан ҳамкорликда Мирзо Улуғбек ҳақида фильм суратга олаётгани, фильмда Алишер Навоий образи ҳам бўлиши, образни франциялик машҳур актёрни Арманд Ассанте жонлантириши ҳақида хабар берганди.
Жавоҳир Зокировнинг Instagram’ида Арманд Ассанте иштирокида ҳам суратлар бор. Улардан бирининг остида актёр шундай изоҳ қолдирган: «Биз дўстга айландик! Фильмда у менинг отам ролини ўйнайди. Арманд — ақлбовар қилмас даражада меҳрибон ва ҳақиқий инсон. Орзулар рўёбга чиқади, Голливуд эса борган сари яқинлашмоқда!».
— Javakhir Zakirov (@jzakirov) December 25, 2015
Маълумот учун, Алишер Навоийнинг ўғли бўлмаган, Абдулатиф эса Амир Темурнинг суюкли невараси — Мирзо Улуғбекнинг падаркуш ўғли эди.
