Доғистондаги полиция постида юз берган портлаш қурбонлари сони тўрт кишига етди. Бу ҳақда «РИА Новости» хабар қилмоқда.
Ҳалок бўлганлар икки нафар полициячи ва икки нафар фуқаро эканлиги маълум қилинмоқда. Бундан ташқари яна беш киши ярадор бўлиб, шифохонага юборилган.
Ҳуқуқ-тартибот органлари вакилининг таъкидлашича, теракт «жанубий қўпорувчи террорчи гуруҳ» жангарилари томонидан уюштирилган. Автомобилда террорчи-худкуш бўлиб, у ўзини портлатиб юборган.
Россия Тергов қўмитасининг Доғистон бошқармаси томонидан жиноят иши қўзғатилди.
Эслатиб ўтамиз, Доғистоннинг Дербент туманидаги полиция постида «Лада Приора» русумли машина портлатиб юборилганлиги хабар қилинган эди.
Изоҳ (0)