Украиналик фаоллар Беларусь билан чегара яқинида Россия юк машиналарини тўхтата бошлади

Украинанинг «Автомайдан» ҳаракати фаоллари Украина—Беларусь чегараси яқинида Россия рақамларига эга юк машиналари йўлини тўсмоқда, деб ёзади Meduza. Фаоллар таъкидлашича, шу пайтгача 12 та юк машинаси тўхтатилган.

12 февраль куни Россия юк машиналари Украинанинг Закарпатская вилоятида ҳам тўхтатила бошлаган эди. Бироқ кейинроқ улар қўйиб юборилгани хабар берилди.

Акция иштирокчилари Украина ҳукуматидан Россия билан савдо алоқаларини тўхтатишни талаб қилмоқда.