Шимолий Корея қитъалараро баллистик ракеталар учун махсус отряд тузди

Шимолий Корея KN-08 қитъалараро баллистик ракеталари учун янги ҳарбий бўлинма ташкил этди. Бу ҳақда «РИА Новости» хабар бермоқда.

Yonhap маълумотларига кўра, янги тузилма КХДРнинг барча ракета бўлинмаларини назорат қилувчи стратегик қўшинлар таркибига кирган.

Экспертлар KN-08 10 минг километр масофани босиб ўтиши мумкинлигини тахмин қилмоқда. Америкалик мутахассислар мазкур ракеталарни «АҚШнинг огоҳлантириш ва ҳимояни таъминлаш имкониятларини қийинлаштиришга қодир» қурилма деб ҳисобламоқда.