Самарқандда 7 февраль, якшанба куни ҳаво ҳарорати +22,2 даражагача кўтарилди. Бу ҳақда «Ўзгидромет» маркази хабар бермоқда.
Бу 7 февралдаги кузатувлар тарихида қайд этилган аввалги, 2006 йилги рекорд (+20,7 даража) ҳароратдан +1,5 даражага юқори.
Маълумот учун, 7 февраль куни Тошкент шаҳрида ҳаво ҳарорати +23,4 даражагача (рекорд 2006 йилда — +24,2 даража), Термиз шаҳрида +20,5 даражагача (рекорд 2006 йилда — +21,9 даража) кўтарилди, Нукус шаҳрида +6,5 даражани қайд этди (рекорд 2013 йилда — +14,2 даража).
Самарқанд шаҳрида 2016 йил 20 январь куни ҳам ҳаво ҳароратининг илиқлиги бўйича рекорд ўрнатилгани ҳақида аввалроқ хабар берилган эди. Шунга ўхшаш рекордлар жорий қиш мавсумида Тошкент, Термиз ва Нукус шаҳарларида ҳам қайд этилди.
Изоҳ (0)