Ўзбекистон халқ артисти Гулсанам Мамазоитова шахсий ҳаёти ва ижодига доир саволларга жавоб берди, деб хабар қилади «Даракчи.uz».
«Тасвир» газетасига берган интервьюсида у «Касбингизнинг ҳалигача ўзингизга ёқмайдиган тарафлари борми?» деган саволга:
«Санъаткор халқ хизматларига борганида, дунёқараши, билими, фаросати ҳам ҳар хил одамларга дуч келади. Унинг ташрифи кимгадир ёқади, кимдир уни тўғри тушунади, кимдир қабул қилмайди, ножоизликка йўяди. Мана шундай вазиятга тушсам, тўйларга санъаткор сифатида боргим келмай қолади», — дея жавоб берди.
Шунингдек, хонанда концерти олдидан матбуот анжумани ўтказмаётганлигига қуйидагича изоҳ берди:
«Матбуот анжумани ўтказишни хоҳламадим. Чунки ҳозир ҳаваскор ‘журналист’лар кўп. Уларнинг мантиққа тўғри келмайдиган, бўлар-бўлмас саволларига жавоб бериб вақтимни кетказишни, асабимни бузишни хоҳламайман. Лекин ҳақиқий журналистларнинг саволларига соатлаб жавоб беришим мумкин».
Изоҳ (0)