Ангела Меркель: Евроиттифоқ Россияга нисбатан санкцияларни давом эттиради

Евроиттифоқ Россияга нисбатан жорий этилган санкцияларни давом эттиради. Бу ҳақда Германия канцлери Ангела Меркель Украина президенти Пётр Порошенко билан биргаликдаги матбуот анжумани чоғида маълум қилди, дея хабар беради «ТАСС».

«Минск келишувлари охиригача бажарилмагани туфайли Россияга қарши санкцияларни давом эттиришимизга тўғри келади. Мазкур келишувлар амалга оширилгани ва санкциялар бекор қилиниши учун замин яратилиши барчамиз учун яхши бўларди, бироқ ҳали бунга эришганимизча йўқ», — дея таъкидлаган Меркель.

Германия канцлери Россияга нисбатан санкциялар «Минск-2» келишуви бажарилганидан сўнг бекор қилиниши мумкинлигини билдирди.